Arestado ro ginakabig nga Top 1 most wanted person sa Western Visayas matapos rayang serbihan it warrant of arrest it Capiz PNP sa Barangay Alayunan, Maayon, Capiz ku Agosto 19, 2023.
Ro inaresto hay ginkilaea nga si alyas “Jerecho”, 21 anyos, sangka laborer, ag residente it nasambit nga lugar.
Ro nasambit nga akusado hay may kasong Qualified Rape ag owa it ginrekomenda nga piyansa para sa anang temporary nga kahilwayan.
Sa kustodiya eon makarun it Maayon MPS ro akusado para sa tamang dokumentasyon ag nagakaigu nga disposisyon. // ANN DESLENE SALAZAR