Human sa pila ka dekada nga pagsilbi sa rebeldeng New People’s Army, hingpit nang nibalik sa sabakan sa balaud pinaagi sa 72nd Infantry battalion ang gibantogang taas nga lider sa mga rebelde didto sa Sitio Spring, Sto Niño, Arakan, Cotabato.
Ang nasangpit mao si Pedro Arnado, regional chairman ug national treasurer sa NPA support group, Kilusang Magbubukid ng Pilipinas – Southern Mindanao Regional Committee (KMP-SMRC).
Rason sumala pa sa iyang pagsurender mao ang kakapoy, nagkahuyang nga liderato sa komunista ug supurta sa masa, ang usa-usa nga pagkapatay sa mga tag-as nga lider sa NPA lakipna ang kamingaw sa ilang mahal sa kinabuhi.
Atol sa iyang pagtahan ang pasalig nga motabang sa gobyerno sa kampanya niini nga batokan ug bungkagon sa hingpit ang 53 ka tuig nga walay padulngang pakigbisog sa kabukiran.
Giawhag ni Lieutenant Colonel Jose Regonay Jr, Commanding Officer sa 72IB ang mga nagpabilin pa sa kabukiran sa North Cotabato ug Bukidnon nga mosurender na samtang duna pay panahon aron dili mahisama sa ubang high ranking NPA lider nga nakabsan atol sa operasyon.
Giagni niini ang mga nahisgutan nga daghang programa ang giandam sa gobyerno alang kanila sa pagbalik sa pagpanginabuhing normal kauban ang pamilya.
Anag pagsurender ni Arnado tungod sa hugtanong pagtinabangay sa Provincial, Municipal ug Barangay Local Government Unit kauban sa Armed Forces of the Philippines ubos sa 10th Infantry Division.