Mas ubos og 25% ang natala nga kaso sa fireworks-related injuries sa tibuok Central Visayas karong bag-o lang nga pagsaulog sa Pasko ug Bag-ong tuig tandi sa samang panahon niadtong 2022 hangtud na sa Enero 1, 2023.
Sa tally, ang Probinsya sa Sugbo nakatala og 33 ka mga kaso, kapin sa katunga sa 60 ka kaso sa pabuto nga natala sa tibuok rehiyon.
Samtang natala sa dakbayan sa Sugbo ang 9 ka kaso; 7 sa Bohol; 6 sa Negros Oriental; 3 sa Mandaue City; usa sa Lapu-lapu ug usa sab sa Siquijor.
Kini nga mga kaso nahipos sa Department of Health Central Visayas (DOH-7) gikan sa duha ka sentinel hospital ug 23 ka non-sentinel hospital sa tibuok rehiyon.//