Kan o eamang hay ginpaguwa eon ro resulta halin sa “Boses ng Bayan” job performance survey it RP-Mission and Development Foundation Inc. (RPMD) sa Western Visayas.
Raya hay survey kung ano ka epektibo ro sari-sari nga District Representatives.
Sa nasambit nga survey, pumwestu sa pang lima si 2nd District Congressman Teodorico Haresco Jr. it Aklan ag Rep. Janette Garin it Iloilo nga parehung may score nga 84%.
Samtang, pumwestu man sa pang 10, si 1st District Congressman Carlito Marquez nga may score nga 75.7%.
Ro nagapanguna sa mga resulta ngara hay si Rep. Jam Baronda it Iloilo City, nga naangkon ro pinasahe nga performance assessment score nga 91.8%, nga nagtao kana it pagkilaea bilang may pinakamataas nga ranggo sa rehiyon.
Gin eksplikar ni Dr. Paul Martinez, Global Analyst Affairs ag Executive Director it RPMD nga ro survey hay ginpatigayun nga independent ag owa ginkomisyon, gamit ro sangka komprehensibong hanay it mga parameter, kaparehu it district representation, legislative performance, ag constituent service. // ANN DESLENE SALAZAR