Na actionan eon it LGU-Kalibo ru gina reklamo it mga residente nga mabahong hugom it piggery sa Brgy. Briones, Kalibo, Aklan.
Suno sa tag reklamo nga si Mrs. Gemma Magbanua, residente maeapit sa lugar, mabahoe ru anang pag pasaeamat sa BRIGADA News FM Kalibo matapos nga gin dangop na ru problema dahil sa mabuhay nga uwa it action.
Nasayuran mismo kay Magbanua nga kato pa sa dating administrasyon gin paabot ru problema ag sa makaron eamang na actionan.
Sa settlement sa opisina ni Kalibo Municipal Mayor Juris Sucro, daywa ka Municipal Sanitary Inspector ag daywang katapo it Kalibo MPS, nag promesa nga paga actionan ru problema. Matapos ru interogasyon sa tag-ana it piggery, eagi nga gin buoe tanan ru mga alagang baboy ag ikara naka pahuway sa pag perwisyo sa hugom it mabahong piggery ru pamilya Magbanua.//MARIVIC Y. ILIN