Nagpa blotter sa Kalibo PNP ro sangka retired teacher matapos segun imaw nga mabiktima it ‘budol-budol’ gang iya sa banwa it Kalibo.
Sa reklamo it sangka 75 anyos nga biktima, nag-withdraw imaw it kwarta nga P6k sa ATM machine it sangka bangko sa may 19 Martyr’s St., Kalibo kat may nagpaeapit kana nga sangka babaye ag nagpakilaea nga ina it dati nana nga estudyante.
Nag istorya segun sanda hasta sa gindaea imaw sa sueod it saeakyan it suspek ag ginhambaean nga pagabak-ean imaw it souvenir.
Samtang sa sueod it saeakyan hay may sambilog pang babaye nga nagsueod ag nagkutana kana kung may kilaea imaw nga nagabaligya it fire extinguisher.
Hasta sa nag abot sa punto nga ginhambaean imaw it suspek nga ibutang it biktima ro anang aritos, P6k nga cash ag atm card sa sangka pouch.
May gin-spray pa segun sa biktima ngani matsa nablangko raya hasta sa nakauli it andang baeay ag igto eon imaw naumpawan nga nabudol eon gali imaw ag nabuoe ro anang kwarta. / ANN DESLENE SALAZAR