Misaka pa sa 12.3 million pesos ang reward-money nga itagana ngadto sa makatudlo o makahatag impormasyon kung kinsa ang suspek o nagpaluyo sa kamatayon ni Barangay Carmen Kagawad Roland Sherwin Tawee Uy ug sa caretaker niini nga si Samuel Pabalan.
Sa last vigil kagabii, gibutyag sa igsuon ni Kagawad Tawee Uy nga si Cagayan de Oro City Vice Mayor Rainer Joaquin Uy, mipadayag kini sa pagpasalamat sa kagamhanang lokal sa syudad, mga business sector ug mga private individuals nga mihatag kontribusyon sa reward aron mapadali ang pagsulbad sa kaso.
Nagpasalamat sab ang pamilyang Uy sa mga tawo nga miduyog sa ilang kasub-anan ug dako ilang panghinaot nga makab-ot na nila ang hustisya.
Salig ug gitugyan nasab sa pamilya ang imbestigasyon sa gitukod nga Special Investigation Task Group.
Kahibaloan nga karong adlawa ihatod sa katapusang kapahulayan si Kagawad Tawee Uy sa Oro Garden Memorial Parks. -END-