LEGAZPI CITY – Pigtatrabaho na kan Philippine National Police (PNP) Bicol an pabuya o reward para duman sa nagin parte katakod kan pagkakagadan kay Gilbert Saysay Conception, lider kan Conception Criminal Gang (CCG).
Ini an sinabi ni PNP Bicol Acting Regional Director PBGen. Andre Dizon sa Brigada News FM Legazpi.
Iinguwahon su boot ninda na an pabuyang ini maitatao nanggad sa mismong informant.
Magigirumduman, nagadan si Conception sa sarong operasyon sa Parañaque City kan nakalihis na Miyerkules makalihis ining manutaran sa nasambit na lugar.
Mientrastanto, sa ngunyan, piga-identipikar pa ninda an mga kairibahan ni Conception sa mga oras na ito asin nagpapadagos man an imbestigasyon kan PNP Bicol siring man an pagharanap pa sa iba pang miyembros kan nasambit na grupo.