Kasong Robbery with Homicide ro posibleng iga-kaso sa nagbuno-patay kay Marissa Flores, ro tag ana it sari-sari store sa Crossing Buswang Kalibo, Aklan ku Enero 6, 2024.
Raya ro ginhayag ni PLTCOL RICKY BONTOGON, OIC it Kalibo MPS sa ginpatigayun nga presscon kaina it hapon.
Nasayuran nga ro primary suspek nga nag ako nga nagbuno sa biktima hay 20 anyos pa eamang samtang ro kaibahan kara nga driver it motorsiklo hay 18 anyos ag parehung mga taga Aklan.
Ro primary suspect hay may dati eon segun nga record nga eakot sa komosyon.
Ginhayag man ni PLTCOL Bontogon nga nag agto pa it Luzon ro daywa ka suspek matapos ro kremin bangud sa kahadlok.
Pero bangud sa bulig it komunidad hay nakaangkon it negosasyon sa mga raya ag nagpangayo it pamasahe ngani nakauli ro mga raya ag nagsurender.
Sa makarun hay indi pa mahambae ni PLTCOL Bontogon nga case solved ag case closed bangud nagaumpisa paeang ro development it kaso.
Nagpasaeamat man ro hepe it Kalibo MPS sa komunidad ag media sa bulig it mga raya agud insigida nga maresolba ro kaso. // ANN DESLENE SALAZAR