Binati ng aktor na si Robert de Niro ang kanyang kasamahan na si Al Pacino dahil sa pagiging ama muli sa edad na 83-anyos.
Tila ayaw magpatalo ng veteran Hollywood actor sa kapwa niya aktor na si De Niro na unang inanunsyong mayroon siyang bagong baby na ika-pito niyang anak sa edad na 79-anyos.
Walong buwang buntis na kasi ang 29-anyos na nobya ni Pacino na si Noor Alfallah, na isang producer.
April 2022 umano nang maugnay si Pacino kay Alfallah.
Mayroon nang tatlong anak si Pacino; isa sa acting coach na si Jan Tarrant, at kambal naman sa aktres na si Beverly D’Angelo.
At gaya ni Pacino, may kambal ding anak si De Niro.//CA