Kumambyo na rin ng pahayag ang dating driver-bodyguard ni Senadora Leila de Lima na si Ronnie Dayan kaugnay ng unang pagdidiin sa mambabatas sa mga kasong may kinalaman sa iligal na droga.
Sa kauna-unahang pagkakataon, humarap sa Muntinlupa Reigonal Trial Court bilang testigo ng depensa si Dayan kung saan ay sinabi nitong hindi totoo ang mga unang pahayag na bagman ito ni de Lima at wala rin aniyang katotohanang tumanggap siya ng pera mula kina dating BuCor OIC Rafael Ragos at Kerwin Espinosa.
Ayon sa abugado nito na si Haidee Soriano, nilalaman ng testimonya ngayon ni Dayan na wala umano itong dineliver na pera kay de Lima at wala ito sa bahay ng Senadora sa mga oras na unang inilahad sa mga 2016 testimonies.
Sa katunayan, isang beses lang daw siyang pumunta sa tahanan ni de Lima para tumulong sa pagaayos ng christmas decorations.
Katulad ng mga unang ginawang pag-recant nina Ragos at Espinosa, sinabi rin ni Dayan na pinilit lang siya na pumirma sa testminonya nito noon.
Samantala, humarap din sa pagdinig si de Lima kung saan ay pinasalamatan nito ang mga sumuporta at patuloy na nagdarasal para sa kanyang kalayaan.
#
Nadakpan sa sakop sa Mambaling Police Station pinanguluhan ni Police Major John Lynbert Yango ang…
CAMARINES SUR- Pagkalunod ang naging sanhi ng pagkamatay ng 18 anyos na dalagang si Danica…
NAGA CITY – Pinulong ngayon ng Public Safety Office ang presidente at opisyales ng mga…
Nagsagawang muli ang SSS ng tinatawag na Run After Contribution Evaders o RACE noong Biyernes,…
NAGA CITY - Inisyuhan na ngayong araw ng written order ang pitong contribution evaders sa…
NAGA CITY – Naging problema din ng mga atleta ng Naga City na kalahok sa…