Inihain sa House of Representatives ang isang resolusyon na humihimok sa Armed Forces of the Philippines (AFP) at Philippine Coast Guard (PCG) na magtalaga ng mga tauhan at magsagawa ng pinahusay na routine patrol at maritime surveillance sa eastern seaboard ng Pilipinas.
Ito’y matapos mamataan ang isang Chinese research vessel sa silangang bahaging karagatan ng Pilipinas.
Inihain ang House Resolution 1707 nila House Deputy Majority Leader at ACT-CIS Party List Rep. Erwin Tulfo, Quezon City 2nd District Rep. Ralph Wendel Tulfo, ACT-CIS Party List Rep. Edvic Yap, at Benguet Rep. Eric Yap.
Isa anilang hudyat ang mga ginagawa ng China bilang paghahanda na sakupin ang silangang bahagi ng Pilipinas tulad ng pananakop nila sa buong West Philippine Sea.