Nakabaton sang nagkalain-lain nga pasidungog ang Roxas City sa ginhiwat nga 7th Regional Cities and Municipalities Competitiveness Index (CMCI) Awards for Competitive LGU’s 2023 nga ginhiwat sa Zuri Hotel sa Iloilo.
Ginkilala ang Roxas City bilang Most Competitive LGU in the Region (Component City Category), 1st place Infrastructure Pillar, 1st place Innovation Pillar, 3rd place Most Improved LGU kag 3rd place Economic Dynamism Pillar.
Nakita sang CMCI ang daku nga improvement sang syudad sa pagpamuno ni Mayor Ronnie Dadivas rason nga ginkilala ini nga Most Competitive LGU sa mga Component City sa Region 6 kag nangin CHAMPION sa INFRASTRUCTURE KAG INNOVATION PILLAR nga gintutukan agud mas mapaayo ang pagpadalagan sang syudad, negosyo kag pangabuy-anan sang mga pumuluyo.
Ginbaton ni Vice Mayor Inday Teresa Almalbis ang kadungganan sang Roxas City.
Nagapasalamat naman si Mayor Dadivas sa mga opisyales sang syudad, Roxas City Government Family kag sa bilog nga pumoluyo.
Ini nga kadalag-an ang nagapakita sang katumanan sa handum nga Bigger, Better and Brighter Roxas City. | Judy Ann Juare