Gihagit ni Cebu Governor Gwen Garcia ang usa sa mga miyembro sa IATF – Technical Advisory Group (TAG) labot sa giluwatang pamahayag niini kung diin namasangil kini nga gikan sa Sugbo ang Delta variant transmission sa Mindanao ug sa uban pang bahin sa nasud.
Ang gitumbok ni Garcia mao si Dr. Edsel Salvaña, diin gihagit kini nga mopakita ug datus nga magpamatuod sa iyang mga pasangil.
“How dare you blame Cebu, you better backup your statement with clear data because we have our own data to refute you,” pamahayag ni Garcia.
Kahinumduman nga base sa pamahayag ni Salvaña, giingong tungod sa luag nga swab upon arrival policy alang sa returning overseas Filipino sa Sugbo, mao na kini ang nahimong source sa transmission sa delta variant sa Mindanao.
Ang Kapitolyo, mipadala ug formal Letter of protest batok ni Salvaña ngadto ni DOH Secretary Francisco Duque III.
Samtang mi-depensa si Dr. Mary Jean Loreche, ang consultant sa provincial Government nga dili ang Cebu ang hinungdan sa pagkatap sa delta variant sanglit ang unang kaso nga na-detect sa nasud niadtong Mayo 11, 2021 gikan sa duha ka returning overseas Filipino’s nga wala mi-agi sa tugpahanan sa Sugbo.