NAGREKLAMO ang usa ka saleslady sa mall batok sa usa katricycle driver human nga wala kini gihatud sa iyang paadtuan inay gisimang sa laing dalan unya gigunitan ang kamot.
Sumala kay alyas Tresha, 33-anyos nga Enero 4 alas 10 sa buntag nisakay kini sa tricycle gikan sa dalang Lapu-lapu padulong sa usa ka mall sa dalan sa San Miguel apan wala nihunong ang tricycle inay gigunitan sa driver ang iyang kamot unya gidiretso sa Jose Catolico Avenue.
Nagkurog ang bikitma sa kahadlok unya nilukso sa tricycle, nakahilak unya gitabangan sa ubang driver aron mahatud sa mall kung asa kini nagatrabaho.
Gidugang ni Tresha nga niya nailhan ang maong driver labi pa kay may tabon sa nawong, wala usab niini makuha ang plate number sa tricycle.
Nadismaya usab ang ubang mga driver sa mao nga hitabo, sumala kay Joel dela Rosa ug Julie Agui unta magtarong ang mga bastos nga driver gumikan maka apekto kini sa ilang panginabuhian. I Ver Diazon