Padayun ro ginapatigayun nga imbestigasyun it Balete Municipal Police Station ag Aklan Provincial Forensic Unit, kaangot sa insidente it pagpang eabo nga natabo sa Sitio Maeobog, Brgy Calizo, Balete, Aklan kaina it agahun.
Sa report, ginkilaea ro mga imbolbado nga sanday Edcel Quindong ag Rex Quindong nga parehung nag angkon it maabung nina sa eawas, pero si Rex hay gindeklara nga dead on arrival bangud sa naangkon kara nga multiple injuries sa eawas.
Nagaguwa sa inisyal nga imbestigasyun it investigator-on-case nga si Police Staff Sergeant Jorie E Junio, nga ro krimen hay natabo sa baeay ni Rex, nga kabaliskaran segun sa unang pahayag it sangka saksi.
Suno segun sa saksi, armado it sanduko si Rex kat komprontahon sanda it anang bayaw nga si Edcel samtang naga inuman sa andang baeay.
Ro komprontasyon segun hay nagbahoe ag nag abot sap unto nga nag aeakigan sa tunga nanday Rex ag Edcel hasta nga natabo ro page ab-anay.
Sa makarun hay may una eon nga persons of interest ag potential suspects sa insidente ro Balete MPS. // ANN DESLENE SALAZAR