Gustong masayran it LGU Kalibo sa Department of Labor and Employment – Kalibo kung may una eon nga Senior Citizens nga naka-benepisyo sa sangka mandato it Republic Act No. 9994 o Expanded Senior Citizens Act of 2010.
Raya hay sangka laye nga nagatao it Additional Benefits and Privileges to Senior Citizens, further amending Republic No. 7432 of 1992 as amended by Republic Act No. 9257 series of 2003.
Ginhayag ni SB Member Augusto Tolentino, nga base sa nasambit nga laye, ro sangka Senior Citizen nga may ikasarang pa ag gustong magtrabaho hay pagabuligan it DOLE ag iba pang mga ahensya it gobyerno kaeakip eon ro mga Local Government Units para sanda hay makapagtrabaho ag maging produktibong miyembro it sosyudad. // ANN DESLENE SALAZAR