Na-intercept ro sangka motor banca bangud sa pag eabag kara sa Provincial Ordinance #05-032 o One Entry, One Exit Policy.
Sa ginpatigayun nga enforcement operation it 2nd Aklan Provincial Mobile Force Company sa pagpamuno ni PLTCOL DONNEL P REGIS, Force Commander, ag ku Malay Municipal Police Station, na-intercept ro bangka nga kulay blue-red ag may pangaean nga Ma. Aryana Marina AKL 0822-0303.
Ro nasambit nga motor banca hay nakitang illegal nga naka dungka sa Sitio Lugutan, Brgy. Manocmanoc, Malay, Aklan.
Insigida nga nag isyu it citation ticket ro apprehending officers samtang ro motor banca hay ginkustodiya para sa imbestigasyun ag ro boat captain hay gindaea sa Malay Municipal Police Station, para sa nagakaigu nga dokumentasyon. // ANN DESLENE SALAZAR