Sangka motor banca ro na-intercept it mga otoridad ku Pebrero 3 bandang alas 6 it gabii.
Nasayuran nga nag eapas raya sa One Entry, One Exit Policy matapos nakitang illegal nga nagdungka sa may Sitio Lugutan, Brgy. Manoc-manoc, sa isla it Boracay.
Na-intercept it mga personnel it 2nd Aklan PMFC’s 2nd Maneuver Platoon ro motor banca nga kulay green ag gin-isyuhan raya it citation ticket ag ginkustodiya, samtang ro boat captain hay dinaea sa Malay MPS para sa proper documentation. // ANN DESLENE SALAZAR