Nagbigay ng emotional tribute si Sarah Geronimo sa kanyang ama sa kanyang 20th-anniversary concert.
Sa isang TikTok video na ipinost ng isang netizen, si Geronimo, bago kumanta ng kanyang rendition ng Habang May Buhay ni Wency Cornejo, ay nagbigay ng shoutout sa kanyang ama na si Delfin.
Sinabi niya na ang kanyang ama ang nakakita sa kanyang potensyal bilang isang matagumpay na mang-aawit noong siya ay maliit pa.
Tinuruan din siya ng ama na magtrabaho nang husto, sinanay siyang kumanta tuwing umaga sa pamamagitan ng pagtayo sa ibabaw ng isang mesa na para bang nasa isang concert stage.
Habang kumakanta sa stage si Sarah, nag-flash sa screen ang isang slideshow ng kanyang mga larawan kasama ang kanyang ama, gayundin ng kanyang ina na si Divine. Makikita at maririnig si Geronimo na sinusubukang huwag umiyak.
Pagkatapos ng kanyang moving performance, inulit niya ang kanyang pagmamahal sa kanyang mga magulang.
“Love you, Ma. Love you, Daddy,” aniya, habang pinalakpakan siya ng mga “Popsters”.//CA