LEGAZPI CITY – Kinumpirmar kan Libon Municipal Police Station na saro sa mga miyembro kan Conception Criminal Gang an suminuko na sa mga otoridad.
Sa intrevista kan Brigada News FM Legazpi kay PCapt. Victor Borjal, Chief of Police kan nasambit na hepatura, sinabi niya na makalihis ini kan saindang pagtiripon kairibahan an mga barangay kapitan kan banwaan nganing pag-orolayan an mga masunod na lakdang asin concerns katakod sa pagkakagadan sa lider kan grupo na si Gilbert Saysay Conception.
Sa saindang pagtiripon, nangapodan su boot siya sa mga kapitan na tabangan mag-surrender itong mga nakalista bako man armado alagad may kinaraman kay Conception.
Kinaagahan su boot kaidto, buminutwa an saro sa mga nakalista asin boluntad na suminuko huli ta natatakot na para sa saiyang kaligtasan.
Segun kay Borjal, haloy na itong nagmamawot na magbagong-buhay dawa kan buhay pa an saindang lider alagad pinangenotan sana kan takot huli ta pinatakot sinda kaining gagadanon oras na kuminalas sa grupo.
Alagad ngunyan na gadan na an lider, nagkaigwa na su boot sindang kusog-boot na magbagong-buhay.
Mientrastanto, piglalaoman ni Borjal na sa mga masurunod na aldaw, may mga masuruko pang iba pang miyembros.