LEGAZPI CITY – Wara ki namemerwisyong mga langaw sa mga residente kan Brgy. Mayon, banwaan kan Daraga, Albay orog na ngunyang napaparani an harvest season.
Ini an pigsiyerto ni Punong Barangay Joel Llandelar sa Brigada News FM Legazpi.
Sinabi niya, sa laog nin sarong bulan sa Six in One Corporation, duwang beses sindang nag-iinspeksyon kun tama an ginigibong mga proseso sa pag-aataman asin pag-harvest kan mga manok.
May mga ginigibo naman na aksyon an nasambit na korporasyon siring kan pagbubugtak nin powder sa irarom kan kulungan nin manok tanganing dae na pagpiyestahan nin mga langaw.
Kumpyansa an opisyal na dae na mamamatean kan mga residente an pagdakol nin langaw nin huli ta pigsusunod na kan korporasyon an tamang proseso.