KALIBO, AKLAN—Plano makarun it Sangguniang Bayan it Kalibo nga mag-obra it sangka resolution nga nagahinyo kay Philippine National Police (PNP) Chief General Guillermo Eleazar nga i-eakip do Kalibo Municipal Police Station sa 171 priority units nga mataw-an it body worn camera.
Sa pakipag-angot it Brigada News FM Kalibo kay SB Member Augusto Tolentino, ginpahayag kara nga mabahoe do maibulig it nasambit nga body camera sa mga pulis eabi eon sa mga ginapatigayon nga operasyon kung siin do video footage hay puwedeng gamitong ebidensya sa pagpasaka it kaso.
Malikawan man sigon do pag-abuso it mga pulis sa andang trabaho ag magatao man it daean sa ginatawag nga transparency sa mga operation kung siin kung amat hay ginabaliskad it mga suspek do sitwasyon ag nabubutang sa aeang-aeang do law enforcement agency.
Samtang, nagaeaom man si SB Tolentino nga maging positibo do sabat it PNP Chief sa anda nga hinyo eabi eon ag do banwa it Kalibo hay do kabisera it Aklan. // SHERRY ANNE REUNIR-VIDAL