Opisyal na inanunsyo ng Samahang Basketbol ng Pilipinas (SBP) na sinimulan na nito ang pakikipag-usap kay Bennie Boatwright para maging naturalized player ng Gilas Pilipinas men’s basketball team.
Nakipag-ugnayan na sila sa dating import ng San Miguel Beermen para sa mga susunod na kompetisyon sa FIBA dahil sa pagiging angkop niya para sa Philippine basketball habang pinangunahan niya ang kanyang koponan sa kampeonato.
Ang kanyang naturalisasyon ay naaayon din sa mga plano ng SBP dahil sinisikap nilang i-secure ang future ng pambansang koponan kasabay ng pagtatrabaho sa mga kasalukuyang layunin nito.
Nabatid na nauna nang tiniyak ni Gilas head coach Tim Cone ang plano para sa one-time PBA champion import.
###