MIAPELA ang mga estudyante sa gobyerno nga siguradohong luwas ang mga tulunghaan batok sa unsa mang kagubot, kini dungan sa pagbusikad sa bomba sa MSU sa Marawi city, Domingo sa buntag.
Nagpahigayon og dungan nga pag-ampo ug paghalad og bulad sa ang mga estudyante ug staff sa Mindanao State University (MSU) GenSan.
Isip pahisubo sa pagbusikad sa gymnasium sa MSU-Marawi, Domingo sa buntag nga miresulta sa pagkamatay sa upat katao ug pagkasamad sa 50. Butyag ni Elaine Mae Borja, estudyante angayang mahimong luwas nga lugar ang mga eskwelahan alang sa tanang magtutungha. Panawagan ni John Dane Andrada, estudyante nga kinahanglan isaka na sa pangulohan sa MSU ang seguridad sa eskwelahan. Dungan sa hitabo, gimandu na ni MSU-GenSan chancellor Usman Aragasi, ang pagpahugot sa seguridad sa 150 ektaryang MSU-GenSan.
Gipatuman na ang NO ID, NO ENTRY, giplano usab ang pagbutang og CCTV ug gi-convene na sa tulunghaan ang ilang crisis management team. Makigpulong si Aragasi sa law enforcement unit aron masiguro ang seguridad sa MSU-GenSan campus. I Richel Gubalani