Gipaniguro sa Special Investigation Task Group ang seguridad sa pamilya ni media anchor Juan Jumalon o mas nailang Johnny Walker kinsa gipusil patay samtang nag-programa sulod sa announcers booth sulod sa ilang panimalay sa Calamba, Misamis Occidental.
Sumala ni SITG-Commander Police Colonel Dwight Monato nga hugot nga nakig-kooperar ang pamilya kanila, ug andam sab nga mo-execute og affidavit ang mga witness sa nahisgutang kaso.
Sa karon, gilantaw sa task group ang anggulo may kalabutan sa personal ang motibo sa pagpatay sa biktima homan nga dunay kabikil ang pamilya niini nga miabot pa ang isyu hangtod sa Korte.
Luyo, nga dili hard-hitting ang nahisgutang broadcaster, wala gihapon giwala sa SITG ang posibilidad nga work-related ang nahitabo nga krimen.
Gipagawas na sa SITG ang facial composite sketch sa usa sa mga suspek sa pagpusil kang Jumalon diin 5”5 to 5”6 ang height niini, fair complexion, nagsul-ob sa cap nga pula, nag-tshirt og color green ug short pants nga color black.