LEGAZPI CITY – Dakop an sarong security guard asin construction worker sa ikinondusir na drug buy-bust operation sa banwaan kan Sto. Domingo, Albay na pinangenotan kan hepatura kan pulisya kan banwaan sa pakikipagkoordinasyon sa Philippine Drug Enforcement Agency (PDEA) Regional Office 5.
An sekyu, sarong 41 anyos na lalaki asin residente kan Brgy. Calayucay, mantang an contruction worker, iyo an 42 anyos man na lalaki gikan sa Brgy. Sto. Niño kan kaparehong banwaan.
Sa report kan pulisya, nakumpiskar sa mga ini an sarong pidaso nin heat-sealed transparent plastic sachet ki pinagtutubudang “shabu”, duwang PHP100 bill, sarong itom na pitaka, sarong PHP500 bill, PHP20 bill asin sarong unit ki pink and white android cellphone,
An mga naarestar na suspetsado dinara sa ospital para sa medikal asin pisikal na eksaminasyon.
Kasong pagbalgar sa RA 9165 ang isasangat sa mga ini.
Presente na ining nasa kustdodiya kan nasambit na hepatura para sa magkakanigong disposisyon.