Nagdangop sa Kalibo MPS ro sangka security guard agud klaruhon ro isyu kaangot sa pagturo kana nga imaw ro ulihing tawo nga nakitang kaibahan it sangka babaye nga missing gihapon hasta makarun.
Base sa counter blotter ni Ker Horteguia 26yo it Brgy. Salcedo Dumarao, Capiz ag sangka sekyu sa sangka bangko iya sa Kalibo, ginpamalibaran nana nga may kaangtanan imaw sa pagkaduea ni Jessyrell Melgar, 35yo ag taga Brgy. Mabilo, Kalibo.
Suno sa sekyu, nagkita sanda it babaye ku Nobyembre 19 it gabii bangud magabayad segun raya kana it anang utang nga 200 pesos ag ginhatud ro babaye sa may Roxas Avenue, Kalibo ag ginpasakay it tricycle para makauli.
Matandaan nga nagpa blotter sa Kalibo MPS ro igmanghud it babaye ag ro ginaturo kara nga ulihing kaibahan ni Jessyrel bago raya naduea hay ro nasambit nga sekyu.
Sa makarun hay nagapadayun pa ro imbestigasyun it Kalibo MPS bangud owa pa gihapon nakita ro nasambit nga babaye. / ANN DESLENE SALAZAR