Bangkay eun kat makit-an si Larly Armada, 69-anyos nga sambilog ka care-taker it panimaeay ni Magdalena Galilea sa Barangay Poblacion, Sigma, Capiz.
Base sa imbestigasyon it Sigma Municipal Police Station, pilang adlaw eun segun nga uwa nagaguwa it baeay ro laeaki.
Bangud dikara, ginhinyo it mga igbata it biktima ro driver nga ginkilaea nga si Rey Gene Martinez Azarcon nga tan-awon ro kahimtangan it biktima.
Nakit-an eamang ni Azarcon nga naga-eubog sa saeog ro eaeaki nga uwa eun it kabuhi.
Nagapati man ro pamilya it biktima nga uwa it natabo nga foul play sa kamatayan ni Armada bangud nasayuran nga may nabatygan raya nga sakit./JIL B. LACSON