LEGAZPI CITY – Dead on arrival sa ospital an sarong lolo makalihis ining atakehon sa puso mantang nagmamaneho kan saiyang lunadan sa kahalabaan kan National Highway sa Brgy. San Jose, Malilipot, Albay
Binisto an biktima na si alyas “Floro”, 78 anyos asin dating fiscal sa syudad nin Tabaco.
Segun sa report, pasiring kuta an biktima sa Legazpi City hale sa Tabaco City kan bigla ining nakamate nin pagkulog asin pagpiot kan saiyang daghan.
Huli kaini nawaran siya nin kontrol sa pagmamaneho sa tinampo na nagin kawsa man sa pagkaarado kan tulong lunadan.
Wara man ki nadamay na ibang tawo nin huli ta kinabig kan saiyang kairibanan an manibela kan lunadan paparayo sa mga tawo na yaon sa tinampo.
Naidalagan paman kuta sa ospital an biktima alagad binawian man sana nin buhay.