PATAY ang usa ka senior citizen human gipusil sa riding in tandem criminal alas-10:39 sa buntag sa Olaer road, Foremost Village, Barangay Apopong, GenSan, nga motaya unta og lotto ang lalaki dihang gipusil.
Nabulabog sa sunod-sunod nga buto sa pusil ang mga tawo sa palibot sa usa ka lotto outlet sunod nilang nakita ang nabuy-od na nga patay’ng lawas ni Alexander Samonte Alferez, 66-anyos, butyag ni alyas Ana, teller sa lotto outlet.
Sa impormasyon gikan sa opisyal sa barangay, giparada ni Alferez ang motor atubangan sa outlet ug dihang motaya pa lang kini, asoy ni Kagawad Jun Lacia. Si Alferez ang nakaangkon og samad pinusiloan sa ulo ug sa lawas samtang narekober sa gihitaboan sa krimen ang lima ka basiyo sa bala .
45 kalibre sa armas. Samtang, gimandu na ni Police Col. Nicomedes Olaivar Jr., Officer incharge police director sa General Santos City Police Office (GSCPO) sa hepe sa Makar Police Station nga si Major Carl Jayson Baynosa ang pag-imbestiga sa krimen.
agpahigayon na usab ang kapulisan og drag net operation aron masikop ang mga namusil, gawas sa pagpangeta og CCTV aron makita ang ilhanan sa mga mipatay sa maong tawo. I Richel Gubalani