Patay ru sangka senior citizen matapos makoryente sa Brgy. Cabugaw, Altavas, Aklan.
Sa imbistigasyon it Altavas MPS, sangka 60 anyos ru biktima ag residente it nasambit nga lugar.
Natabo ru insidente kat mag pang limpyo sa likod it andang panimaeay ru biktima nga kunsiin, gin eabo ru naga witay nga linyat koryente.
Gulpi eamang nga natumba ru biktima rason nga nagpangayo it bulig ru pamilya ag gin respondihan man it MDRRMO- Altavas.
Nahimo pa nga daehon sa hospital ru biktima apang gin deklara it doctor nga dead on arrival.//MARIVIC Y. ILIN