LEGAZPI CITY – Binigyang-diin ng Albay Electric Cooperative (ALECO), Inc. ang pagkakaroon ng 5% discount ng mga senior citizens sa kanilang bayarin sa kuryente sa ilalim ng Republic Act No. 9994 o Expanded Senior Citizen Act of 2010.
Ayon sa ALECO, ang mga benepisyaryo ay dapat nakarehistro bilang member-consumer nang hindi bababa sa isang taon at hindi lalampas sa 100 kilowatt hour ang buwanang konsumo nito ng kuryente.
Ipakita lamang umano sa tanggapan ang proof of age and citizenship tulad ng birth certificate, valid senior citizen ID, at iba pang government ID cards.
Maliban dito, kailangan din ang proof of billing, valid ID, authorization letter at 2×2 picture.
Samantala, dapat ding i-renew ang Senior Citizen Discount taun-taon upang matiyak na tanging ang mga kwalipikado lamang ang mga makapag-avail. | Brigada Intern EUGENE ROTIAN