Sikad drivers sa Bula mas nabalaka konsumo ug panggatas

NAGALABAW ang tinguha sa panginahanglan sa tiyan kaysa sa kahadlok sa datus sa COVID-19.

Sa pahayag sa usa ka sikad driver nga si Arnolfo gikan sa Pearly Shell, Barangay Bula ilahang cluster ang nigawas adlaw nga Miyerkulis apan nabatyagan dayon niini ang kahinay sa pamasada kay sa dihang nay pasahero padulong sa Barangay Lagao wala siya nakalusot mao nga sugyot niini nga unta dili na paabton sa Hunyo 30 ang General Community Quarantine Status kun GCQ sa Gensan.

Ang dugang rason ni Arnolfo aduna siya duha ka bata, ang manghod ginagatas pa.

Sumala usab kay Renan taga Barangay Lagao, naglisod daw kini sa unang adlaw sa GCQ, kay P200pesos lang ang iyang kita gikan sa pamasada sa tricycle, mao nga gisugyot niini nga usa lang ka semana ang GCQ status.

Sumala usab kay Nelson, taga Brgy. Bula, sideline sikad driver sa kaadlawon, ang orihinal nga trabaho sa construction ug internal design sa mga balay, ang reaksyon niini sa GCQ usa siya sa apektado kay dugay na nga wala siyay kontrata sa construction unya karon nga namasada anaa na usab ang pandemya ug ang GCQ status.

Sa iyang bahin mag ampo nalang daw siya sa sitwasyon aron nga makasugakod sa pait nga kasinatian. ( Ever Diazon)

Leave a Reply

Your email address will not be published. Required fields are marked *