Wala na natabang pa ug nakutloan sa iyang kinabuhi ang usa ka siklista human giingong na-heat stroke, pasado alas 11:00 sa buntag, Mayo 9, 2024 sa Brgy Riverside, Calinan District ning syudad.
Giila ang biktima nga si Camilo Alcanzar, 60 anyos nga taga Teachers Village, Brgy Calinan, Davao City.
Sumala pa sa mga saksi sa lugar, nahitabo ang insidente samtang nagmaneho sa iyang bike ang biktima. Nakabuhat pa matod og para og jeep ang nahisgutan, dayon gihatod kini sa Isaac Robillo Hospital, Calinan alang sa medical attention, apan wala na kini natabang pa ug nakabsan sa iyang kinabuhi.
Nasayran gikan sa pamilya sa biktima nga dunay gihambin nga high blood pressure ang nahisgutan nga usa sa ilang ginalantaw nga rason sa kamatayon niini.
Sa karon, gipahiluna na sa pamilya ang patay’ng lawas sa biktima sa ilang panimalay.