Nagmalampuson ang gilusad nga Simultaneous Anti-Criminality and Law Enforcement Operations (SACLEO) sa Davao City Police Office (DCPO) gikan Oktubre 20-29, 2023.
Atol sa maong operasyon, nakakumpiska og 108.2115 grams sa shabu ug 275.4576 grams sa marijuana, nga gibana-banaan nga dunay street market value nga 768,892.84.
Sa 110 ka mga operasyon, nadakpan ang 129 ka indibidwal ngfa nalambigiti sa kriminal nga aktibidad.
Samtang, anaa sab sa 175 ka mga indibidwal ang nasikop pinaagi sa pagtunol og warrant og arrest.
Miabot sab sa 160 ka mga indibidwal ang naaresto sa gilusad nga 56 ka Anti-illegal gambling operations ug nakakumpiska og Php 28,640.00 isip patad.
Ug aron nga mapadayon ang seguridad sa Davao City, nakasikop ang kapulisan og onse ka indibidwal sa kampanya batok Illegal Possession of Firearms diin anaa sab sa 11 ka mga armas ang nakumpiska sa gilusad nga operasyon.
Ang maong kalampuson gumikan sa pagpaningkamot sa kapulisan aron nga mapabiling hapsay ug malinawon ang syudad sa Davao.