LEGAZPI CITY – Posibleng maglangkaw an singil sa kuryente sa probinsya hasta sa bulan nin Mayo segun sa Albay Electric Cooperative (ALECO) nin huli sa namamateang init kan panahon.
Katakod kani, pig-aabisuhan an mga miyembros-konsumidores na magtipid asin gibuhon an saindang energy saving tips sa paggamit nin kuryente.
An paglangkaw susog sa abiso kan Independent Electricity Market Operator of the Philippines (IEMOP), kun sain nagkaigwa nin 6.1% na paglangkaw sa demand nin kuryente an Luzon, 6.4% sa Visayas asin 8.4% sa Mindanao.
Uminabot man sa PHP5.26/kWh an spot price sa Luzon, PHP6.26/kWh sa Visayas asin P4.58/kWh sa Mindanao, asin an demand nin kuryente sa Luzon sa mga maabot na bulan posibleng mag-abot sa 13,273 MW, mantang 2,628 MW sa Visayas asin 2,650 MW sa Mindanao. | Brigada Intern EUGENE ROTIAN