SK officials sa Tuguegarao City, nakatanggap ng bisikleta

Nakatanggap ang lahat ng Sangguniang Kabataan ng Tuguegarao City ng bisekleta mula sa Provincial Councilors League.

Ayon kay Board Member Maila Rosario Ting Que, nasa 50 na units ng bisikleta na nagkakahalaga ng 390,000 pesos ang kanyang binili na mula sa kanyang pondo sa tulong ni Cagayan Governor Manuel Mamba.

Ayon kay Ting Que, ito ay malaking tulong umano sa mga SK lalo na sa mga lugar na nakasailalim sa lockdown kung saan limitado ang mga transportasyon lalong lalo na sa kasalukuyang quarantine status ng lungsod.

Maari rin umanong gamitin ng mga SK ang bisikleta sa patuloy na paghatid ng serbisyo sa kanilang nasasakupan tulad na lamang ng pagbibigay ng mga ayuda at bilang daan sa mga tulong na nais ipaabot ng mga residente sa mga nangangailangan.

Dagdag pa ng opisyal, na ang kanilang ibinigay na bisikleta ay convenient, environment friendly, at nagpapaunlad sa malusog na pamumuhay 

Inaasahan naman ng mga City Councilor at Provincial Board sa mga SK Officials na mapalawak ang paggamit nito para saa serbisyo lalo na sa gitna ng pandemya.

Leave a Reply

Your email address will not be published. Required fields are marked *