LEGAZPI CITY – Plano kan lokal na gobyerno kan Legazpi City na ilipat nin lugar an slaughter house kan syudad.
Sa intrevista kan Brigada News FM Legazpi kay City Mayor Geraldine Rosal, sinabi niya nna piglalaoman ining mareyalisar ngunyan na taon.
Sinabi kan alkalde na bako man kaya pagrugaring kan lokal na gobyerno an daga na pinagtutugdukan kan slaughter house na nasa Brgy. San Roque.
Alagad, may nabakal na su boot na daga sa Brgy. Taysan na iyo an pigtatarget lipatan kan slaughter house.
Segun sa alkalde, bako madali an paglilipat ki lugar nin slaughter house alagad naglalaom siya na mapapangyari ini ngunyan na taon.
Mientrastanto, sinabi pa ni Rosal na igwang pondo an saindang opisina alagad bako pa bastante para sa pagkonstruhir kaya nag-request sindang budget sa Department of Agriculture asin naglalaom na matawan nganing mareyalisar an proyekto.