LEGAZPI CITY – Arestado an sarong street level individual sa ikinondusir na drug buy-bust operation sa Brgy. Binitayan, Daraga, Albay.
Kinondusir kan Daraga PNP an nasambit na operasyon sa pakikipagtabangan sa Philippine Drug Enforcement Agency na nagresulta sa pagkakadakop sa suspek sa aktong pagpapabakal ki sarong pakete nin pigtutubudang “shabu” kapalit ki PHP1,500.
Apwera digdi, nakuha man an tulong pakete nin shabu na may gabat na 1.2 gramo na nagkakantidad nin PHP8,100 pesos.
Sa ngunyan an suspek an mahampang sa kasong pagbalgar sa R.A. 9165 o an Comprehensive Dangerous Drugs Act of 2002 asin presenteng nasa kustodiya kan nasambit na hepatura para sa magkakanigong disposisyon. | Brigada Intern ROSE ANN MARIE EXCIJA