Sobra katunga sa kinatibuk-ang ihap sa COVID-19 positive sa Davao City ang nagsumikad sa outside transmission sama sa mga workplace, government offices ug uban pang buhatan.
Kini sumala kang City Health Officer Dr. Ashley Lopez human nga giangkon niini nga nalagpasan na ang ihap sa mga COVID-19 positive resulta sa local transmission.
Nagbaton na usab matud pa og clustering of cases sa mga lugar-trabahuan sama sa mga bangko, factory, government offices, ug BPO companies nga maoy nag-unang tinubdan sa daghang empleyado nga natakdan sa kagaw resulta sa paglock-down sa mga nahisgutan.
Pipila sa mga gitumok nga hinungdan sa pagtaas sa kaso mao ang pakyas nga pagsunod sa mga health protocols, wala pagtuman sa Safe Davao QR System, ug ang kapakyas sa ubang pamunuan sa kumpanya nga makig-alayon sa City Health Office kung dunay gipamating Influenza-like symptoms sama sa ubo, hilanat ug uban pa.
Tungod niini nagbahad ang lokal nga panggamhanan nga manubag ang mga pribadong kumpanya ug mga opisina nga misupak sa mga probisyon sa IATF Omnibus guidelines ug mga regulasyong giimplementa sa lokal nga panggamhanan.BNFM-DAVAO