GISUSI gilayon sa buhatan sa SOCD ang usa ka motorcab nga gireklamo tungod sa mahal nga pagpangayo ug pasahe niini, sa may barangay Senote, Binuangan ug Tipan ning dakbayan.
Basi sa reklamo, sa mga pasahero bisan duha na ang sakay sa motorsiklo 80 or 100 gihapon ang pletihan, diin dako ra kaayo kini sa orihinal nga pasahe sa naasoy nga barangay.
Matud pa ni Archie Ajias, sa iyang pakighinabi sa mga pasayro sa naasoy nga lugar, nga itaho gilayon kini sa ilang buhatan kung adunay mga drayber nga ingon ani, ug aduna kini penalty nga ipahamtang sa mga namasahero nga mahimoslanon sa kahigayonan, pamoltahon kini ug 1500 ka pesos, tungod kay gibawal sa dakbayan ang pagkarga ug duh aka pasahero.
Samtang, giawhag usab niya ang mga driver nga dapat dili kaayo pataasan ang pletihan, tungod kay looy kaayo ang mga pasahero, ug ikonsidera usab nila ang gilay-on ayha mobungat sa pasahe.(Joel Omapas)