Pumaguwa eon it autopsy result ru Scene of the Crime Operatives (SOCO) sa bangkay it mag-asawang pinatay sa Brgy. Cabayugan, Malinao, Aklan.
Naka angkon it 3 tama’t pag buno sa tiyan si Mrs. Lucila Cabawatan, 44-anyos samtang, 1 sa waea ag 2 sa tuo nga parte it ueo, lastro sa mata ag uyahon matapos bunaean it matig-a nga bagay ru asawa eaeaki nga si George Cabawatan, 65-anyos.
Nakitaan man raya it 2 ka madaeom nga tama it pagbuno sa ubos nga parte it dueonggan.
Sa makaron, padayon pa ru follow-up investigation it Malainao Municipal Police Station sa natabong krimen.
Kung matandaan, pinatay ru mag-asawang Cabawatan sa sueod mismo it andang panimaeay ag dayon nakit-an it mga pilang mga kaeapit baeay nga nagka agnas eon ru eawas ag may maea-in eon nga hugom sa lugar.//MARIVIC Y. ILIN