LEGAZPI CITY – Arestado an sarong lalaki sa Brgy. Ilaor Sur, banwaan kan Oas, Albay huli sa 3 punto nin kasong pagbalgar sa lascivious conduct sa irarom nin child abuse.
An 19 anyos na akusado, residente kan Purok 7, Tablon kan nasambit na banwaan.
Sa report kan mga otoridad, naarestar an akusado sa kusog kan mga mandahamiento de aresto na sinirbi kan Oas MPS, kasabay an 1st Albay PMFC asin Highway Patrol Group kan Polangui asin inisyu kan Presiding Judge, Family Court 5th Judicial Region, Branch 4, Ligao City na pirmado kan Pebrero 29 ngunyan na taon.
Ini an para sa nasambit na kaso na may mga piyansang tig-PHP120,000 para sa enot na duwang punto, asin PHP200,000 para sa saro pang punto.
Nasa kustodiya na ini kan Oas MPS para sa magkakanigong disposisyon.