GIHUPAY sa Social Security System (SSS) sa GenSan ang kabalaka sa mga miyembro dungan sa sertipika isip ‘urgent’ sa Maharlika bill. Wala na’y tyansa nga supotahan sa sss ang gipasar nga balaud kalabut sa Maharlika Investment Fund (MIF).
Gisiguro sa SSS sa GenSan nga dili nila isugal ang kontribusyon o makuhang benepisyo sa ilang miyembro sa mif. Ang pamahayag ni Noel Nacion, SSS- regional communication officer ang human wala nagpaapel sa Government-Owned and Controlled Corporation (GOCCs) nga mag-invest og pondo sa MIF.
Matud ni Vivian Ubanan, minyo, taga Barangay Mabuhay isip miyembro sa SSS, nalipay kini sa desisyon sa ahensiya nga dili mosugod nga ipagamit ang kontribusyon sa mga miyembro sa mif.
Apan sa pagbisita ni Department of Budget and Management (DBM) secretary Amenah Pangandaman, siguro nila nga mas ‘acceptable’ ang sugyot balaudnon nga gipasa sa duha ka chamber senado ug kongreso. Dungan sa pagdilaab sa kontrobersiya kalabut sa paggamit sa pondo sa mga miyembro sa GOCCs aron ibutang sa MIF.
Nagtuo si Pangandaman nga luwas ang investment ilawom niini tungod sa committee ug balaud nga ipatuman aron masiguro nga luwas ang pondo. Kahibaloan nga wala na gitugotan nga mag-invest sa MIF ang mga GOCCs ilawom sa specific nga probisyon sa Maharlika bill.
Apan una nang, gibutyag ni Pangulong Ferdinand Marcos Jr., nga naa sa mga GOCCs ang desisyon kung mag-invest sa Maharlika Investment Fund (MIF). I Richel Gubalani