LEGAZPI CITY – Pinahimutikan kan Social Security System (SSS) Legazpi Branch na nagtatao sindang papremyo asin mga regalo pati naman nin kwarta sa saindang mga miyembro.
Segun kay SSS Legazpi Branch Spokesperson Jeanette Mapa, dae basta-basta magtubod sa mga salang impormasyon na nakukua sa mga social media.
Wara man su boot sindang ginigibo na siring kan pagtatao nin maski ano-ano sa mga miyembro.
Huli kaini tulos man sindang nagpaluwas nin abiso sa publiko tanganing maaaraman na scam an naglalakop na impormasyon sa social media.
Dae su boot pagtubudan an mga bareta, post, o private text messages na sinda nanggana sa raffle draw hale sa ahensya asin matatawan nin kwarta on regalo kapalit an saindang personal information.
Tinawaan-doon ni Mapa, saro ini sa mga paagi nganing makakua ki personal data sa publiko.