LEGAZPI CITY – Pigsyerto kan Social Security System (SSS) na dawa pa magkaigwa nin halabang internet interruption, mamamantenir na protektado an datos kan saindang mga kliyente.
Segun kay Elenita Samblero, Vice President kan SSS Luzon Bicol Division, sa ibong kan pagiging haros digital kan naunambitang opisina, igwa man giraray nin mga back-up na file an saindang central office pati man an kada rehiyon.
Dugang pa niya, kaya nindang ma-recover an ano man datos nin huli ta bako man ini gabos nakatago sa saindang website.
Tinawan-duon man ni Samblero na wara man ki na dapat kahandalan an saindang mga kliyente asin saiya man na pig-asigurar na dai man mawawara an anoman na mga rekord.