Ginlamon sang kalayo ang stock room sang isa ka eskwelahan sa Barangay Aglalana, Dumarao, Capiz.
Sandig sa impormasyon nagikan sa BFP – Dumarao Fire Station, nakabaton sila sang tawag takna alas-3:44 kahapon sang Lunes nga may yara sang nagluntad nga sunog sa nasambit nga lugar.
Nahibaluan nga anay banyo ang amo nga stock room kun sa diin diri ginpangbutang ang mga kagamitan nga gingamit sang nakaligad nga fiesta.
Ginabanta naglab-ot sa P6,750 ang kahalitan sang amo nga sunog.
Sa karon, nagapadayon pa ang imbestigasyon sang mga katapo sang bombero agud mahibaluan ang gintunaan sang kalayo. | Judy Ann Juare