Gipasalig sa Task Force Davao nga magpadayon ang gipatumang hugot nga pagbantay sa tanang entry points sa Davao City pinaagi sa striktong checkpoint inspections sa tanang mga byahero ugmga sakyanan nga musulod.
Kini aron maharang ang mga dautang elemento nga boot mupalusot ug mga kontrabando sama sa iligal nga droga, ug mga armas.
Sumala kang TAsk Force Davao Commander Darren Comia, makalaum ang katawhan nga mahimong luwas ang syudad.
Gani moabot na matud pa sa 65 ka armas ang narekober sa mga sakop sa TF-Davao gikan sa tulo ka major checkpoints-Sirwan, Lasang ug Lacson gikan sa mga indbidwal ug mga sakyanan nga nababagan.
Pinakadaghan nga naharang ang 61 ka armas nga gipanag-iyahan sa Delphian SEcurity Agency nga walay saktong papeles human gibyahe gikan sa CDO pasulod sa syudad.
Gawas sa mga armas, moabot na usab sa kapin P11-milyones pesos ang nakumpiskang iligalnga droga gikansa ubay-ubay ka indibdiwal nga nabitik sa checkpoints.
Pinakaulahi niini ang P180K kantidad sa droga nga nasabat sa Lasang checkpoint Martes sa gabie gikan sa usa ka pasahero sa jeep nga si Anthony Telavangco Pasandalan, 28-anyos ulitawo nga taga SIR Matina.
Ang suspek gibalhog na karon sa Bunawan Police Station.BNFM-DAVAO
