KALIBO,AKLAN—Nag negatibo sa drug test ru subject person nga si John Ambay sa ginpatigayon nga drug buy bust operation sa Sitio Pangpang Brgy. Mabilo, Kalibo, Aklan.
Raya hay base sa impormasyon nga gin pahayag it Provincial Drug Enforcement Unit (PDEU) sandig sa resulta it gin paidaeom nga urine test sa Capiz Provincial Forensic Unit.
Apang ru suspected shabu ag marijuana hay positibo nga illegal ag nabuoe sa subject person matapos nga gin paidaeom sa laboratory test.
Kun matandaan, nabauoe it mga operatiba sa suspek ru 2 ka mga sachet it suspected shabu , marijuana, buy bust money ag lighter apang raya tanan hay hugot nga gin pamalibaran it subject person.//MARIVIC Y. ILIN